Mini Friday (The Wave)

Open Now

Now Closed

之前一直都知呢間餐廳有唔少好評，見價錢都合理就決定試試。我係經openrice book位，正價餐牌會有88折，但就唔包括套餐。點餐前已經有提供到小食，墨西哥脆片點千島醬都幾好食。Dinner set: 香烤澳洲羊架配薄荷燒汁 $238隨餐會有田園沙律、餐湯及飲品。餐湯係紅菜頭忌廉湯，味道好濃郁。而沙律個組合上就有啲奇怪，會有埋平時台式飲品會飲到嘅爆爆珠。而個羊架係絕對有驚喜，本人係好怕臊味，但今次個味道係完全可以接受到，可能係因為薄荷燒汁蓋過咗羊嘅臊味，而且啲肉都好嫩。飲品就揀咗熱情蘋果蘇打，飲落去係勁甜，真係會覺得自己係飲緊糖水，要再另外叫多杯冰溝淡返個味。明太子忌廉帶子手捲粉 $148手捲粉其實就係長通粉，而呢個粉嘅好處就係可以捲住好多汁，食落唔會覺得乾。帶子即大粒又彈牙，手捲粉面都有魚子作為點綴。水牛城雞翼 $78雞翼表面炸到脆脆地，裡面都依然保留到啲肉汁。而且個汁酸酸辣辣，非常惹味。整體來講，呢間餐廳都好推薦大家去食，食物質素都幾好，成個環境同氣氛都令人覺得好舒服。