大食代 (新港中心)

Open Now

Now Closed

疫情關係遲遲都唔可以離開香港，唯有係香港搵下有咩特別的野食啦。 今日剛剛行海港城經過新港中心 ，正好係下午茶時間（其實係午餐）咁就入去搵下有咩食，原來依到有間food ，仲有唔少選擇。見今日涼涼地，就搵下d辣野食下啦。今次就揀左間叫「涮香菜園」的餐廳，叫左佢地一個酸菜魚套餐，以解相思之苦。講返個食物先，今次叫左小辣，但感覺下次食可以再叫辣d。餐廳姐姐好好，因為可以唔要麻辣，淨係食辣味，對於我唔想條脷食到麻麻痺痺係一個福音。 份量都相當之多，好飽肚，大多有6，7舊魚 ，又有豆卜同菜，好在只係六十零蚊，比起外面餐廳食酸菜魚抵好多，所以眼見都幾多人叫依間餐廳的野食。場內仲有好多唔同選擇，下次再來可以慢慢一間一間咁慢慢試。唔知係咪近排少左遊客來，所以座位都坐得好舒服，唔會有好迫的感覺。