Video
Read full review
2021-06-07
296 views
🅿️Causeway Bay綜合評分：8.5/10食物口味：8.5/10環境：7.5/10亮點：❤️餐廳氛圍浪漫，适合約會😂❤️tasting menu超正，display同味道都一流！❤️fine dining中相對容易book到嘅餐廳呢間係日本&法國菜fusion嘅fine dining，兩樣都好鍾意嘅我，期待相當之高！但呢排試過唔少靚display嘅tasting fine dining基本都係失望收場，今次呢間會點呢？✨Dinner tasting menu $1288+10%tasting menu總共八道菜，每樣都非常精緻非常岩影相。一個共同點係每道菜都用好多唔同食材，非常用心，食落口感富有層次，味道鮮美❤️餐前包唔算特別好味，不過加入日式元素，有埋炸蓮藕同炸魚皮，令成個display幾特別。法餐最吸引嘅元素之一係前菜之前嘅finger food，呢間嘅兩道finger food都靚且好味，一個係炸蝦幹配芥末醬，另一個係吞拿魚碎配芝麻，配豐富香料所以味道好多元化！頭盤➕$188有得升級魚子醬，毫不猶豫選魚子醬，整個箱端上來喺你面前打開，魚子醬呈現其中，仲有陣陣煙飄散，好驚喜！呢道菜我
綜合評分：8.5/10
食物口味：8.5/10
環境：7.5/10
亮點：❤️餐廳氛圍浪漫，适合約會😂
❤️tasting menu超正，display同味道都一流！
❤️fine dining中相對容易book到嘅餐廳
呢間係日本&法國菜fusion嘅fine dining，兩樣都好鍾意嘅我，期待相當之高！但呢排試過唔少靚display嘅tasting fine dining基本都係失望收場，今次呢間會點呢？
✨Dinner tasting menu $1288+10%
tasting menu總共八道菜，每樣都非常精緻非常岩影相。一個共同點係每道菜都用好多唔同食材，非常用心，食落口感富有層次，味道鮮美❤️
餐前包唔算特別好味，不過加入日式元素，有埋炸蓮藕同炸魚皮，令成個display幾特別。
法餐最吸引嘅元素之一係前菜之前嘅finger food，呢間嘅兩道finger food都靚且好味，一個係炸蝦幹配芥末醬，另一個係吞拿魚碎配芝麻，配豐富香料所以味道好多元化！
頭盤➕$188有得升級魚子醬，毫不猶豫選魚子醬，整個箱端上來喺你面前打開，魚子醬呈現其中，仲有陣陣煙飄散，好驚喜！呢道菜我覺得係整餐最正，最上面係魚子醬，下邊係類似麵包脆片以及帶子碎，好鮮好好味，食完久久不能忘懷！
另一道頭盤係和牛，有少少硬且有腥味😭
下一道菜係法國特色嘅燒鵪鶉，個頭很小，燒得很嫩，配法式特色車厘茄醬，味道濃郁。
next one又係我最愛的一道菜，係用椰菜裹著鮑魚，表面撒左大量菌菇及帶子碎，用鮑魚汁淋埋，好味到一個點！
下一道菜，炸蠔配紫蘇葉，炸茄子配辣椒，所有嘢炸得恰到好處，唔會太膩亦唔會太乾身，配嘅辣椒醬甜甜地，好味😋
主菜終於黎啦！我就揀左特級和牛（+$188），實踐證明呢$188好值得，毫不誇張講，係我喺法餐廳食過最好味嘅wagyu！入口即化，新鮮，配餐嘅松露芝士醬非同一般地好味，烹飪恰到好處，無法形容的美味！
朋友嘅主菜係煎金目鯛，冇和牛咁出色但亦都係我試過最好食嘅金目鯛，呢度d主菜好出色！
甜品居然仲有驚喜！綠色雪糕我以為係抹茶，結果竟然係芫茜！我本身唔抗拒芫茜但絕對談唔上鍾意，芫茜味雪糕就更無法想像，我做好準備食一啖就嘔曬成餐飯出來（😂），結果居然都唔差！係從來想像唔到嘅特別嘅味道，雪糕的香甜，芫茜的青氣，富有層次感，竟然不知不覺差唔多食曬成舊雪糕！另一舊甜品係慕斯，有焦糖夾心，鬆軟可口又唔會太甜。
食完甜品仲有小點心！！真係飽到嘔，但見到勁得意嘅mini cheesecake又忍唔住食左，唔係特別heavy嘅芝士蛋糕，質地順滑香濃～另一個係百香果啫喱，我本身唔鍾意啫喱亦唔鍾意百香果，但呢舊嘢冇特別酸，酸甜平衡恰到好處，又幾好食wo！
tasting menu好易中伏，但呢間完全冇！每道菜都好精彩，雖然加埋sparkling water同升級菜式嘅費用之後一個人要$2000上下，但成個用餐體驗非常正，可以feel到廚師真係好用心，絕對值得一試！
Post