Video
Read full review
2017-11-11
654 views
星期五一行4人訂咗8點,去到都要等15分鐘.茶係菊花茶無得揀,都ok好飲嘅.我對福建菜零認識,點菜嘅責任就交俾嚟咗香港多年嘅福建朋友拍板.我就點咗個我好鍾意嘅星加波麥片蝦.百秒黃花魚一向唔鍾意食魚嘅我,尤其見到呢條魚個賣相...勉強試咗一啖之後,我竟然搶咗成碗嚟食. 朋友唯有另叫一碗. 魚湯超鲜甜,魚肉超嫩滑. 估唔到燜黃花魚係可以咁好味.簡直係美味大發現!風味麥片蝦好失望,蝦唔夠大隻,又唔夠新鮮,麥片又唔入味,同星加坡嘅麥片蝦有好大出入.有待改進. 椒鹽豬手 味道不錯,完全無一陣油味,外脆內軟,充滿骨膠原.傳統扁肉湯同行福建朋友推薦嘅福建家鄉菜,小粒粒餛飩小小煙韌,湯味濃淡適中,由於湯底加咗醋,食落先有鮮味再有微微酸味,好清新,越食越想食. 讚~興化炒米粉米粉纖細如絲,吃起來有點煙韌,夾起不易斷. 加上多種不同配菜,口感好好,而且不油膩. 農家擦粉明知我同另一女生唔食內臟,福建朋友堅持要點呢個擦粉,話係佢哋嘅平民早餐,要回味一番喎. 既然叫咗就試吓,以為呢個擦粉會好似西門町阿宗麵線嗰陣內臟味咁嗅,點知佢一啲內臓嗅味都無,湯味又鮮又濃郁,食落去綿綿的,好好味~ 真係好好味~ 整體嚟講,
我對福建菜零認識,點菜嘅責任就交俾嚟咗香港多年嘅福建朋友拍板.我就點咗個我好鍾意嘅星加波麥片蝦.
百秒黃花魚
一向唔鍾意食魚嘅我,尤其見到呢條魚個賣相...勉強試咗一啖之後,我竟然搶咗成碗嚟食. 朋友唯有另叫一碗. 魚湯超鲜甜,魚肉超嫩滑. 估唔到燜黃花魚係可以咁好味.簡直係美味大發現!
百秒黃花魚
9 views
0 likes
0 comments
風味麥片蝦
好失望,蝦唔夠大隻,又唔夠新鮮,麥片又唔入味,同星加坡嘅麥片蝦有好大出入.有待改進.
風味麥片蝦
52 views
0 likes
0 comments
椒鹽豬手
味道不錯,完全無一陣油味,外脆內軟,充滿骨膠原.
椒鹽豬手
15 views
0 likes
0 comments
傳統扁肉湯
同行福建朋友推薦嘅福建家鄉菜,小粒粒餛飩小小煙韌,湯味濃淡適中,由於湯底加咗醋,食落先有鮮味再有微微酸味,好清新,越食越想食. 讚~
傳統扁肉湯
8 views
0 likes
0 comments
興化炒米粉
米粉纖細如絲,吃起來有點煙韌,夾起不易斷. 加上多種不同配菜,口感好好,而且不油膩.
興化炒米粉
40 views
0 likes
0 comments
農家擦粉
明知我同另一女生唔食內臟,福建朋友堅持要點呢個擦粉,話係佢哋嘅平民早餐,要回味一番喎. 既然叫咗就試吓,以為呢個擦粉會好似西門町阿宗麵線嗰陣內臟味咁嗅,點知佢一啲內臓嗅味都無,湯味又鮮又濃郁,食落去綿綿的,好好味~ 真係好好味~
農家擦粉
45 views
0 likes
0 comments
整體嚟講,福建菜好正宗又好好味,但星加波菜就有待改善.
Post
