米線陣 (荃新天地)

Open Now

Now Closed

今日收工一個人返屋企，一個人食飯，咁就唸住簡簡單單係屋企樓下食算啦，但係4點幾鐘又食左個下午茶，個狀態唔算係超級肚餓，於是就唸住食少少野，食個米線算啦！見到個米線陣，都幾多客人，重要等位，好啦，就㩒張1位啦，好彩都好快有位。坐低左之後就望下menu, 款式都算多，有唔同湯底啦，唔同嘅食材啦！而最後我就叫左個大汗豬扒擔擔米線。上枱之後，賣相都算幾普通下，特別係個米線，首先就試下塊豬扒先，塊豬扒唔算係好大塊，但係都幾香口，有少少辣，豬扒好脆，另外有d蒜香椒香風沙底襯托，非常惹味。而米線雖然賣相差少少，但係湯底都足料，有榨菜，肉碎同埋花生碎等材料，都幾香口，再加埋彈牙嘅米線，都唔錯。