日日香鵝肉飯店 (和富中心) (Closed)

之前路過中環見到都多人排隊，所以一直冇諗住去試，點知今日去北角見到間舖居然冇乜人，梗係入去試吓啦🤣抵食二人餐，$224我哋見單點一份鵝肉要一百幾，但係套餐包多個時菜，兩款好大份嘅小食，兩盅燉湯同埋飯都係二百零，仲可以加8蚊加杯凍飲，抵呀。湯佢碗湯好正，真係燉出嚟㗎，而且飲得出唔係味精湯。唔知湯係咪日日唔同，嗰晚就係茶樹菇湯，好清，好好飲。鹵水鵝肉肉好滑好嫩呀，以為鵝肉會好肥，點知完全唔會呀，皮下面冇乜脂肪，所以連皮我都照食🤣至於點食先係最好味？我就鍾意加醋食，勁勁勁好味呀，大家一定要試，而朋友就特登要咗少少辣椒油，話好夾喎，睇嚟唔同人口味真係唔同。小食--豬手、紅腸因為我就唔係好食內臟，所以我揀咗豬手同紅腸。豬手份量都好多呀，煮得好淋，不過可能豬手大舊啲，我覺得鹵水汁唔夠入味，所以我加咗枱面嘅鹵水汁食，都好唔錯。紅腸就正正常常啦🤣三色檸樂好特別嘅嘢飲，一次過滿足三個願望，檸檬、青檸同咸檸，正呀，最正係可以揀埋冇糖可樂🤣🤣🤣又瘦咗啲啦😆