皇玥餅藝 (Moved) New Location

由細到大都好鍾意食蛋卷，由大型連鎖店到小本經營嘅小店，大大話話都試咗好多間，有啲係真係唔錯嘅，但缺乏咗啲新意，終於喺上個星期搭地鐵返工嗰陣見到有個好sharp醒嘅廣告，就係呢間皇玥餅藝喇，內文話有好多種口味嘅蛋卷，二話不說即刻落去佢哋喺尖沙咀嘅旗艦店試試先。先講服務，sales姐姐好細心咁同我講解，原來佢哋有成十二款口味嘅蛋卷，好震撼，而且所有產品都係用天然食材，完全無用防腐劑店裡面有得試食，我試咗伯爵茶蛋卷同香蔥紫菜蛋卷，真係好好食，伯爵茶味食落有淡淡嘅茶香，香蔥紫菜味就好似食緊蔥油餅蛋卷咁，好正我仲試埋黃金酥，又係另一出色之作，咸蛋黃嘅咸香味同蛋卷嘅蛋香味混合埋一齊，非常之夾最後買咗四盒，食哂一定會再買，原來佢哋嘅師傅就係前半島酒店嘅葉師傅，今年一定會試下佢哋嘅流心月餅