餃店 (Closed)

星期六到鴨寮街買電池，行行下女友話肚餓，於是到西九龍中心8/F foodcourt 搵食。印象中以前西九龍中心foodcourt 只有兩送飯，好難食。原來而家從新裝修，好多迷你食店。其中餃店較為突出，因為好多人食 haha，於是比次幾會佢。去到見到有款好奇怪的餃子，叫芝士肉醬餃，心念咩味架！！但又有好多人食喎，決定叫來試試。店員話套餐可選兩款餃子+炒面+飲品$22起，但選芝士需加$3，於是叫了芝士餃加雞軟骨餃食。由於佢話即叫即做，所以要等5分鐘，心念要我等唔好食你就知。到我啦！d皮好似好薄，食落唔單止皮薄，仲好多汁。味道很好，茄味夠，芝士香，好好食。雞軟骨餃呢，清清地，好香雞味，至於炒麵都OK。下次可以試試其他味。