泰廚泰國菜館

Open Now

Now Closed

假期前夕，勁有放假MOOD，放工梗係同朋友出黎食飯架啦，上OPENRICE見到呢家泰國菜餐廳，COMMENTS唔錯，交通又方便，就決定黎試下啦。行完花園街同金魚街，睇過可愛既動物們同金魚之後，好快就聞到香噴噴既串燒味，就知道餐廳就係我地前面啦。入到去裡面見到有好多泰國既相片，好有泰國風味，裡面有兩層，我地揀左坐下面。蝦餅外層炸到金黃香脆之餘仲有香濃的鮮蝦味，好彈牙，唔係太油膩，配上酸甜醬真係一流，好滋味。香葉辣椒肉碎繪飯係跟隻煎蛋既，如果隻煎蛋可以做到半生熟有蛋汁流出黎既效果就好啦。肉碎比較辣同咸，所以一定要撈飯黎食，味道相當唔錯。串燒我地試左雞同豬，肉質爽滑仲大大條，燒得岩岩好，加埋香香甜甜既沙嗲醬, 好美味。