Video
Read full review
2018-10-12
767 views
霸王風沙雞 $135/半隻皮炸得算脆。但雞冇雞味，肉質唔夠硬實、食落軟淋淋，唔新鮮，可以唔試！黑醋小排骨 $92一碟有六舊排骨。排骨夠瘦，冇咩肥膏，啱曬我😆食落啖啖瘦肉！唔好以為啖啖瘦肉一定好柴，咁諗就錯啦！排骨烹調時間掌握得啱啱好，肉質硬實，但又唔會太韌咬唔到，屬於有口感但一咬即開既肉質，處理得非常好👍🏻輕輕咬開，排骨既肉會變成絲狀。好正黑醋汁係稠身既，食落酸酸甜甜好好味！送飯一流！雖然食得出醋味，不過黑醋汁酸味同甜味既比例係3:7。好惹味，但食到最後會覺得偏甜左少少，如果唔用黎送飯會更濃味。整體黎講，好食！當然，如果少甜更好！糖醋松子桂魚 $160炸左既桂魚淋上糖醋醬汁，好難唔好食姐！魚係成條上，其實唔算太大條，因為沾左炸粉炸起先會覺得好似幾大咁，食落先發覺魚肉唔多。而炸粉唔算太厚但又唔太薄，都接受到既。魚肉質地炸完仲保持到嫩滑，肉質唔似食魚柳咁太淋冇口感，都算係咁，但魚既鮮味就一定食唔到啦！除左魚既本身同糖醋汁之外，魚上面既配料係另一個重點！配料有大量松子、菠蘿粒、蕃茄粒、青椒粒、洋蔥粒，同兩粒蝦仁。青椒、洋蔥粒保留到爽脆口感；菠蘿、蕃茄粒正常味道，唔會難食；蝦仁仔雖細粒，但佢係
風沙雞
$135
33 views
0 likes
0 comments
霸王風沙雞 $135/半隻
皮炸得算脆。
但雞冇雞味，肉質唔夠硬實、食落軟淋淋，唔新鮮，可以唔試！
黑醋小排骨
$92
35 views
1 likes
0 comments
黑醋小排骨 $92
一碟有六舊排骨。
排骨夠瘦，冇咩肥膏，啱曬我😆食落啖啖瘦肉！唔好以為啖啖瘦肉一定好柴，咁諗就錯啦！
排骨烹調時間掌握得啱啱好，肉質硬實，但又唔會太韌咬唔到，屬於有口感但一咬即開既肉質，處理得非常好👍🏻輕輕咬開，排骨既肉會變成絲狀。好正
黑醋汁係稠身既，食落酸酸甜甜好好味！送飯一流！雖然食得出醋味，不過黑醋汁酸味同甜味既比例係3:7。好惹味，但食到最後會覺得偏甜左少少，如果唔用黎送飯會更濃味。
整體黎講，好食！當然，如果少甜更好！
糖醋松子桂魚
$160
40 views
0 likes
0 comments
糖醋松子桂魚 $160
炸左既桂魚淋上糖醋醬汁，好難唔好食姐！
魚係成條上，其實唔算太大條，因為沾左炸粉炸起先會覺得好似幾大咁，食落先發覺魚肉唔多。而炸粉唔算太厚但又唔太薄，都接受到既。
魚肉質地炸完仲保持到嫩滑，肉質唔似食魚柳咁太淋冇口感，都算係咁，但魚既鮮味就一定食唔到啦！
除左魚既本身同糖醋汁之外，魚上面既配料係另一個重點！
配料有大量松子、菠蘿粒、蕃茄粒、青椒粒、洋蔥粒，同兩粒蝦仁。
青椒、洋蔥粒保留到爽脆口感；
菠蘿、蕃茄粒正常味道，唔會難食；
蝦仁仔雖細粒，但佢係爽彈既。
可以係最佳配角😆
無錯！糖醋魚又係酸酸甜甜既，一定要送飯，會不經不覺食好多飯><個人認為真係幾好食，肥都抵
霸王小籠包
$42
20 views
0 likes
0 comments
霸王小籠包 $42/4
小籠包即叫即蒸，送到台面熱辣辣、出煙嫁😍
睇相可以見到小籠包好多湯汁，反映出小籠包皮夠薄。
雖然皮薄多汁，但夾果陣唔會穿👍🏻
果然食落好juicy，皮都夠薄，可惜既係肉餡較細，有啲似食皮加湯汁既感覺。
味道方面：
皮薄帶少少煙韌口感。
湯汁唔油膩，冇漿口既感覺。湯汁味道較清淡，肉既濃味、鮮味都唔太出。
肉餡比例較小，無法評論。
整體而言，小籠包既精粹皮薄多汁都做到。味道偏清淡，但湯汁夠多，食完都幾滿足。若可增加肉餡比例，味道層次會提升。可以一試。
北京填鴨
34 views
0 likes
0 comments
北京填鴨
填鴨：
皮下脂肪較少👍🏻
皮少肉多，試唔出皮既脆度同油脂香氣。而鴨肉質地較散、唔夠實；切得較薄，味道方面冇騷味。
餅皮：
用籠仔蒸熱，上台時仲出煙。
餅皮薄身，食落帶些少煙韌，發揮正常。
值得一提既係，餐廳好貼心地係每張餅皮之間都用左一張平時蒸點心既籠底紙隔住，一黎可以防止餅皮因水汽黏埋一齊，二黎可以用點心底紙托住、唔洗整污糟對手！我食左咁多間餐廳既填鴨，淨係哩間咁做，值得讚賞👍🏻
配料：
菠蘿條、哈密瓜條、蜜瓜條、青瓜條同京蔥，當然唔少得麵豉醬。
菠蘿條淋身，但夾埋一齊食好清新，都幾突出。我未食過夾菠蘿條既填鴨，新嘗試又幾正喎！
哈密瓜同蜜瓜條夾埋一齊之後就分辨唔到啦，味道唔太突出。
青瓜條夾脆，增加層次同口感。
京蔥味道唔重。
麵豉醬味道正常。
成日覺得食北京填鴨好似係食個醬同塊皮咁，因為啲鴨肉包左係入面同咁多野混合埋一齊食，除非好重鴨味，否則都好難食得出。
北京填鴨個人認為冇太大驚喜，不過不失。而屋企人就覺得哩到既北京填鴨好食過索價更高既x饌，口味真係好個人。
壽包
28 views
0 likes
0 comments
壽包
壽包係紅豆餡，而紅豆餡十分出色。
紅豆壓得夠綿密軟滑；
味道天然，因為冇額外添加糖既關係，餡料只帶些少來自紅豆本身既甜味，好健康，可以放心食><
包皮都幾厚身，如果質感可以軟熟、有彈性啲就更好了！
整體黎講，係好健康既蒸包！如果中意甜啲既話你會失望，個人就幾中意☺️
睇食評好多人話水準下降，我都係抱住試伏既諗頭去食，點知啲野食又幾好食喎，冇大家講到咁差。可能冇對比就無傷害，可能之前做得更出色都未定。但我收貨嫁啦
當中黑醋排骨同糖醋松子桂魚個人最為喜歡，一定要送飯食呀
屋企人都好滿意今餐飯✌🏻
Post
