金風小館 (Closed)

上星期六有朋友生日去左上水發現呢間食肆，一行8人決定試試。食肆有分任食及散叫，由於吾想比時間限制，大家就决定散叫。我地分別叫左鮑魚雞煲及烤魚鍋，份量十足味道不錯，尤其是烤魚鍋有驚喜。基本上食完個煲都飽左7成，另加少量邊爐配料已經夠。時間尚早關係，我地傾下飲下……當然口有d悶，就叫左d少食食。職員推介鮮炸響鈴及炸九菜餃，味道又另我再一次驚喜。仲有個鹵水翼尖味道不錯送酒一流。成個飯局大家都相當愉快地渡過。食肆環境衞生ok，職員態度友善吾嫌我地嘈及多要求，整體吾錯。下次飯聚都會再黎。