Sow by Loft 7 (Closed)

有一排冇過嚟食嘢啦。之前耐唔耐都同同事過嚟happy hour或者食午餐。間餐廳同地鐵站都算近不過就隱蔽啲。之前佢哋都冇a la carte menu。最近見到佢哋社交媒體網站 post左新嘅餐牌就即刻約埋啲同事放工過嚟試吓。估都估唔到好有驚喜喎。避風塘雞翼- 炸蒜好香口，唔會太油。用嚟送酒一流Caprese - 話梅醬，buffalo cheese。成個沙律到酸酸地。食完之後開胃晒。藍青口- 忌廉，辣肉腸。青口佢哋有分0.5kg同埋1kg。最後我哋叫咗0.5 kg，估唔到個份量已經好大Espana - 紅蝦。意粉好惹味，味道恰到好處。蝦好大隻，意粉做得乾身唔會好油。除咗嘢食我哋自己都帶咗支紅酒過去，我哋亦額外喺嗰度叫咗支香檳飲。最後嗰度老細話因為我哋叫咗支酒所以免開瓶費。👍🏿我哋食完飯都轉左坐outdoor，除咗可以嘆支紅酒之外仲有得食煙。