味苑 (Closed)

又到星期五揾野食時間，見到呢間主菜餐有7折，所以黎試下，呢間餐廳既環境係比較懷舊，唔算坐到好多枱，不過味道唔錯😆一開波先黎個例牌叉燒，叫左肥叉，佢唔會太肥，肥瘦適中，岩岩好，味道甜甜地，不過例牌份量都幾到，少人既話可以叫小菜既叉燒😎然後係鴛鴦咕嚕肉，有兩隻味，紅少少既有啲微甜，而深色啲既就少少酸，有少少似山渣既感覺，不過絕對係所有人都接受到既程度，外皮脆脆地，值得一試👍主食就叫左海鮮蕃茄湯飯，一開始有啲驚係蕃茄湯底咁，不過佢其實係海鮮湯，入面再有啲蕃茄，個湯幾鮮甜，唔好鹹，如果唔想食咁heavy可以揀呢樣，不過留意返飯麵係無7折😌唔知係一直都有定限時優惠，每人都會送呢個甜品，紅豆糕味道好淡，椰汁馬豆糕相對地就有少少甜味，同時都有豆既咬口，唔算太吸引，不過送既算係咁😗總結黎講，我最欣賞呢間既係佢啲餸味道都唔會太濃味/鹹，有味道得黎清清地🤩不過價錢唔算平，如果正價食都幾貴