十兄弟車仔麵 (Closed)

作為一位車仔麵愛好者，去到邊一區都好想食車仔麵。今日難得到灣仔等朋友收工，當然都要食車仔麵。估唔到呢間小店細細間，但都好受歡迎！朋友揀咗自選車仔麵 $50油麵搭配咖哩牛栢葉、勁焾牛孖筋、柱侯牛坑腩配腩汁。我揀咗呢碗唔野少 $75呢碗除咗唔野少之外，更加唔少野添，餸包括有蠔油冬菇、香辣玻璃魷、鮑汁魚肚、日本珍寶蟹柳、蠔皇原隻鮑魚仔（兩隻）搭配腩汁米粉。飲品方面呢度主要係罐裝同枝裝飲品，朋友飲COKE-ZERO($10)，我就揀咗津路烏龍茶($13)。整體而言，喺灣仔嚟講價錢合理，欣賞佢有好多餸揀，好有誠意❤️