泰農菜館 (Closed)

一直好欣賞呢間菜館。價錢尚算適中。好喜歡佢地個 秦洱燒鰂魚 （因魚肚內有香茅及大量泰國香草）同 芋頭西米露 。今日再次光顧， 同樣地點了燒魚， 雞肉濕河， 乾炒牛河同酸辣鳳爪。 燒魚肚內完全放任何香草。其實已經不是第一次發現無香草。所以魚一上枱就係服務員面前整開魚肚。當服務員得知魚肚無香草只講左句： 係囉，無既今次。可能香料無返貨。 依然無承認過可能廚師忘記左。雞肉濕河淡而無味。乾炒牛河味道尚算不錯。但牛肉過老。酸辣鳳爪，鳳爪數量比以往少一半。 最離譜係送的芋頭西米露，以前的確最期待食糖水。好香椰汁味。但今日的糖水，食左一啖咸到我即吐落碟。 感覺上有一大舊未搞過的鹽放入口。服務員竟然邊講邊行走話： 糖水係要落鹽同糖架麻！一間泰國菜館並非只有一道菜需要香茅等等的香草吧，如果冇貨係咪應該一早同顧客講？ 就算我發現有菜式有問題，菜館亦無做任何事去補償。極失望。短期內唔會去。