抹茶館 (Closed)

約左朋友行山，未行山之前當然要食飽先有氣力，見到抹茶好似好吸引就入去啦。香蔥芝麻生薑燒豬肉伴溫泉蛋丼薑味不夠強烈，好彩豬肉入味而且有咬口，溫泉蛋有蛋味，不過唔係平日食到流心個種，但當作伴飯的確唔錯。柚子醋炸雞飯柚子醋酸酸地幾開胃，不過柚子醋份量太少，食到尾乾爭爭，炸雞外表脆不過內裡唔夠滑，而且得4件，以呢個價錢黎講貴左少少。抹茶紅豆雪糕銅鑼燒其實覺得佢似熱香餅夾住兩球雪糕，銅鑼燒餅太甜，又唔夠軟熟，好彩有兩球抹茶紅豆雪糕，不過抹茶雪糕嘅味道都唔夠濃郁，主打抹茶甜品但甜品未見特出的確有啲失望。總結整體價錢偏貴，$70幾一個飯，味道未見特出，又冇LUNCH SET，想要甜品又只好單點，就算再去都應該只食甜品。