Video
Read full review
2023-08-26
1186 views
相信好多人對於Delifrance呢間餐廳都唔陌生，畢竟佢1987年已經進駐香港。是日同家人黎到屯門嘅Delifrance食晏，全店滿座不止，仲有不少中年男仕，哈哈，我成日覺得食輕食店都係受女仕歡迎啲，真係有啲意外喎🤪Anyways，等左五分鐘左右已經可以入坐，lucky呀😘🍄蘑菇忌廉湯家人叫左份午餐，再加份蘑菇湯作餐湯，賣相唔錯，餐湯菌味香濃，麵包烘熱過有誠意。🍝燉牛尾配意粉午餐好快就到了，牛尾燉得入味，意粉有咬口，份量亦不算少呢。🥯烘芝士煙肉小班里尼包配迷你螺絲粉炒蛋自己就叫左份下午茶餐，哈哈，聽到幾個食客都話呢份餐最抵食，其實我又無諗咁多喎，純粹鍾意食芝士煙肉咋😆芝士半瀜真係好正㗎。蕃茄湯螺絲粉都唔錯，如果可以熱啲就更好。🍟黑松露白汁薯條家人鍾意食薯條就加左一份，薯條熱辣辣，松露醬正👍🧅香脆洋蔥圈自己就鍾意洋蔥圈，所以都加一份😆即炸的夠香脆。🍩黃糖衣吉士忌廉 & 榛子朱古力法國軟心冬甩最後仲加左兩個冬甩仔做甜品，個心流沙㗎，唔過甜啱口味。🍎有機蘋果茶自己就要左壺熱茶去膩，蘋果茶好香😌🍧雪糕特濃咖啡配蝴蝶酥家人見隔離枱位男仕講左不下十次話呢杯蝴蝶酥咖啡正，於是我地都要左一杯，哈哈，
是日同家人黎到屯門嘅Delifrance食晏，全店滿座不止，仲有不少中年男仕，哈哈，我成日覺得食輕食店都係受女仕歡迎啲，真係有啲意外喎🤪Anyways，等左五分鐘左右已經可以入坐，lucky呀😘
🍄蘑菇忌廉湯家人叫左份午餐，再加份蘑菇湯作餐湯，賣相唔錯，餐湯菌味香濃，麵包烘熱過有誠意。
🍝燉牛尾配意粉午餐好快就到了，牛尾燉得入味，意粉有咬口，份量亦不算少呢。
🥯烘芝士煙肉小班里尼包配迷你螺絲粉炒蛋自己就叫左份下午茶餐，哈哈，聽到幾個食客都話呢份餐最抵食，其實我又無諗咁多喎，純粹鍾意食芝士煙肉咋😆芝士半瀜真係好正㗎。蕃茄湯螺絲粉都唔錯，如果可以熱啲就更好。
🍟黑松露白汁薯條家人鍾意食薯條就加左一份，薯條熱辣辣，松露醬正👍
🧅香脆洋蔥圈自己就鍾意洋蔥圈，所以都加一份😆即炸的夠香脆。
🍩黃糖衣吉士忌廉 & 榛子朱古力法國軟心冬甩最後仲加左兩個冬甩仔做甜品，個心流沙㗎，唔過甜啱口味。
🍎有機蘋果茶自己就要左壺熱茶去膩，蘋果茶好香😌
🍧雪糕特濃咖啡配蝴蝶酥家人見隔離枱位男仕講左不下十次話呢杯蝴蝶酥咖啡正，於是我地都要左一杯，哈哈，係有兩球雪糕㗎，再配上熱咖啡，又香又甜又滑，真係好飲喎😍
食左好多野好滿足，記得拎返張會員卡出黎儲分先✌️
Post
