薯芝味 (Moved) New Location

今日嚟到東廣場揾食，見到呢間專食焗薯，又可以自選配料，好似都唔錯，所以入去試下。餐廳都係自助形式，坐低之後剔張order 紙就去俾錢，之後就等取餐。其實焗薯就係主打，怕唔夠飽就叫set lunch 會多個迷你意粉。我order 咗個菠蘿辣肉腸碎焗薯，配菠菜忌廉汁，另外配個肉醬意粉同玫瑰花綠茶。等咗大約5分鐘有得食，焗薯係主角，當然要食先啦。不過材料偏少，菠蘿得3小粒，至於辣肉腸碎，我初頭以為係辣肉腸切粒，但食落唔多覺有辣肉腸嘅香味，反而有d似普通肉碎。菠菜忌廉醤汁雖然顏色好翠綠，但可惜無乜味，而且焗薯溫度唔係好夠熱.....實在有d失望。再試下個迷你肉醬意粉，都係一般般。最後玫瑰花綠茶，有幾粒玫瑰花瓣，但又係無乜味。整體嚟講都係失望，主打焗薯的話，真係要再做好d。