王牌冰室 (Savannah Place) (Closed)

晚上去完新開企鵝買野，非常肚餓，路過見到裝修幾特別， 一於試吓。一於叫佢嘅佢王牌之一沙嗲牛肉麵常餐，落咗單之後，等咗20分鐘都未有嘢食，一般常餐應該唔會咁耐，終於有個員工走過來，但係擺低張單，睇到佢入機個時間係啱啱先入，之後5分鐘就有個面到，非常一般沙嗲汁尚算可以唔係特別濃，啲牛肉冇味，我唔知正常冰室啲牛肉係咪一早準備好晒，係凍嘅。之後再等咗十五分中，個面都食哂，終於忍唔住吹下佢，唔使2分鐘就即刻整好左多士同炒蛋，搞到個面同多士蛋分開10幾分鐘嚟食。食個常餐都要食咗我50分鐘。沙嗲牛亦唔係特別好食，令到我嘅體驗真係麻麻地。