築地日本料理 (結志街) (Closed)

約咗個朋友去中環食飯，但未諗到食咩，於是周圍行吓。行過呢條街，見到一間裝修樸素平凡嘅日式料理餐廳。我同朋友都未試過，於是就入去試一試舖頭入面唔算大，但麻雀雖小，五臟俱全，食物種類繁多。難得嚟到居酒屋，當然要試吓壽司同天婦羅啦🤣 於是我哋就叫咗個櫻花壽司盛，入面有花之戀，帆立貝，油甘魚，饅魚同吞拿魚壽司🍣 上菜嘅時候一望，魚生色澤平均實在，睇落都幾新鮮 咁多樣款式，我覺得花之戀最為滿足，畢竟材料最多，而三文魚又係我既至愛😍😍 當然，其他壽司都有一定嘅水準啦之後我叫咗一個炸蝦什錦天婦羅🍤 天婦羅外表炸至鬆脆，咬落去無過多油份擠出。瓜同菇一直都係天婦羅嘅保證，有本身嘅味道之餘加上天婦羅嘅口感，可以話係一絕🤤 而呢道菜嘅主角，炸蝦，更勝一籌，因為佢肉質實嫩，蝦嘅味道都算充足，食下食下我自己都想再叫多次🙈最後我再加一個清酒煮花蜆 雖然佢肉質唔係最上等肥美，但係食得出鮮味。再配上濃烈嘅清酒湯底同蔥花，食到我如痴如醉😆 不過唔鍾意清酒味道嘅食客，可以選擇先將蜆，放入湯底浸一浸，令到蜆身滲入清酒味道。之後再從蜆內倒番啲湯出黎 咁就可以保留清酒嘅味道而唔會太濃，適合大眾嘅口味之餘，又可以品嚐到花蜆