Blacksmith Coffee Shop (Closed)

入西貢行山前先喺市區食個豐富早餐，10點鐘就到，唔需要等位，再遲少少就要等啦。見好多人都叫早餐set，$60左右有份早餐加即沖咖啡，價錢好似好抵，但個份量真係太少，應該無人會食得飽，味道方便就ok嘅，無乜特別。三文魚bagel係單點，份量就正常啦，味道亦好好，焗到脆脆地嘅bagel，加上煙三文魚、cream cheese、capers呢個黃金組合，食完都覺得充滿力量！至於話佢有心，係因為佢full breakfast入面嘅茄汁豆竟然係自己整，唔係罐頭，好似羅宋湯煮豆咁，而其他配料就正正常常。整體黎講就係一般小店cafe嘅水準，價錢唔算平，要食得飽都要每人$120，但野食好食，咖啡都好飲，再去西貢都應該會再幫襯。