Video
Read full review
2022-09-30
531 views
蒙麵真係紅磡必食嘅餐廳之一💛 早排去紅隧旁睇林家謙Summer Blues演唱會之前，專登去咗呢到食個early dinner~蒙麵嘅車仔餸好多款，而且大部分都係啲特別嘅餸，例如蠔仔煎蛋、五香牛筋、新鮮花甲、脆香多春魚等～ 呢到嘅落單方式係自己圈紙仔，逐個餸同麵底嚟加錢，轉湯底都要再加錢，所以加加埋埋都唔平🫣 相對比其他車仔麵貴，但都值得食嘅，因為啲餸唔hea仲幾高質！不過間舖比較細，就算當日4點幾去食，都真係好多人排隊，都排咗半個鐘多啲🫣 好彩可以排隊嘅時候落定單，所以坐低都唔使等好耐就有得食～ 我同朋友每人食咗一碗麵+share 1串叉燒同3隻雞翼，飽到上心口🤭•🥢 特濃蕃茄薯仔湯 +$14 👍🏼🥢 新鮮花甲 $36 👍🏼🥢 金錢牛肚 $16🥢 韮菜餃 $14 👍🏼🥢 響鈴 $10🥢 米綫 $10蕃茄薯仔湯好鮮甜😍 係新鮮蕃茄味，無茄膏味，有5-6嚿煲到好腍好粉嘅大薯仔，真係幾乎食餸+薯仔都飽晒🫢 不過啲米綫幾滑溜，唔會太腍，同蕃茄湯好夾～花甲好新鮮、肥美，份量超多，仲令到個番茄湯更加鮮甜🤤 韮菜餃都係舖頭自己包嘅，超級大粒，仲大過枝湯羹，餃子皮仲幾薄，個餡真係滿滿嘅韮菜，食落都好
蒙麵嘅車仔餸好多款，而且大部分都係啲特別嘅餸，例如蠔仔煎蛋、五香牛筋、新鮮花甲、脆香多春魚等～ 呢到嘅落單方式係自己圈紙仔，逐個餸同麵底嚟加錢，轉湯底都要再加錢，所以加加埋埋都唔平🫣 相對比其他車仔麵貴，但都值得食嘅，因為啲餸唔hea仲幾高質！
不過間舖比較細，就算當日4點幾去食，都真係好多人排隊，都排咗半個鐘多啲🫣 好彩可以排隊嘅時候落定單，所以坐低都唔使等好耐就有得食～ 我同朋友每人食咗一碗麵+share 1串叉燒同3隻雞翼，飽到上心口🤭
•
🥢 特濃蕃茄薯仔湯 +$14 👍🏼
🥢 新鮮花甲 $36 👍🏼
🥢 金錢牛肚 $16
🥢 韮菜餃 $14 👍🏼
🥢 響鈴 $10
🥢 米綫 $10
蕃茄薯仔湯好鮮甜😍 係新鮮蕃茄味，無茄膏味，有5-6嚿煲到好腍好粉嘅大薯仔，真係幾乎食餸+薯仔都飽晒🫢 不過啲米綫幾滑溜，唔會太腍，同蕃茄湯好夾～
花甲好新鮮、肥美，份量超多，仲令到個番茄湯更加鮮甜🤤
韮菜餃都係舖頭自己包嘅，超級大粒，仲大過枝湯羹，餃子皮仲幾薄，個餡真係滿滿嘅韮菜，食落都好濃韮菜味🤭 不過一𢳂就漏晒啲韮菜餡出嚟🤣
響鈴有啲似舖頭自製，比較薄脆，索滿鮮甜蕃茄湯，好正😋
牛肚滷得好入味，但有一兩條帶啲啲內臟味🤏🏼
•
🥢 馬來喇沙湯底 +$14
🥢 蠔仔煎蛋 $15
🥢 五香牛筋 $16 👍🏼
🥢 豬紅 $11 👍🏼
🥢 粉絲 $10
喇沙湯面頭都幾多辣油，飲落香料味唔算好濃，味道稍稍偏辣，但都幾惹味～ 上面仲有好多芽菜同埋豆卜，不過如果啲芽菜豆卜係連湯煮應該會再開心啲😜 粉絲加喇沙都好好食㗎🤤
蠔仔煎蛋真係比較少地方食到，呢到大大塊咁上，蠔仔份量唔算好多，但啲蠔仔都幾好食～
牛筋滷到啫喱質地，好腍好入味😋
豬紅我就無試到喇，但朋友就話幾入味同埋爽口，唔會一夾就爛～
•
🥢 招牌蜜汁叉燒串 $28/串
一上枱就聞到好香蜜汁味，啲蜜汁色澤真係睇見到流晒口水🤤 食落炭燒味好香，香甜蜜汁燶燶哋，超惹味😍 叉燒用咗半肥瘦再偏瘦少少嘅豬肉，食落啖啖肉，腍得嚟有咬口，唔會好油膩👍🏼 一串大概有4-5嚿，想試多啲餸嘅話可以2個人share食😚 但如果唔係因為太飽，我應該會想自己食晒一串🤭
招牌蜜汁叉燒串
$28
13 views
0 likes
0 comments
•
🥢 蒜香生炸雞翼 $26/3隻
炸雞翼上面加咗海量生蒜🤩 食落外脆內嫩，雞肉好juicy，係幾高水準嘅，但未至於必食～下次再試吓其他口味嘅雞翼😜
蒜香生炸雞翼
$26
9 views
0 likes
0 comments
Post
