阿里山 (逸酒店) (Closed)

💛店主同店員超級好客，都會同經過嘅途人打招呼，新鮮出爐個陣時會大聲呼叫😆店員都喺後生仔多😙古早味蛋糕新鮮出爐之後，店員利用鐵尺量度蛋糕size，量度好位置後𠝹一𠝹個位，再慢慢切開，務求將一底蛋糕一開十，每件size都差唔多，可以逼爆個盒👍🏻🥛原味 $70好鬆軟嘅蛋糕！同隻叉禁一禁佢都彈返上嚟，回彈力一流😆鐘意呢隻原味嘅蛋香味道濃郁，又唔會太甜，屋企人話呢隻可以再食🤪🍫芝麻 $85面頭有芝麻粒粒同埋芝麻醬拉花，外表睇落幾靚靚😙蛋糕層裡芝麻同蛋混合得好好，芝麻味道超香濃，夠哂大件之餘幾重手，睇得出落埋料啊😝呢間店開左半個月，店主都好有heart，學習台灣製作古早味蛋糕嘅方法，喺呢個逆市之下，仍然選擇開店，聘請年輕人做店員。