Video
Read full review
2023-07-11
422 views
[ Antonio-The King of Piri Piri Chicken ]啲人成日話去澳門食葡國菜🇵🇹，其實香港都有唔少選擇，當中包括堅尼地城站附近呢間葡萄牙菜餐廳。餐廳主打以霹靂霹靂醬汁（piri-piri sauce）製作唔同菜式。「霹靂霹靂」係非洲語嘅意思係「辣椒🌶️」，所以醬汁主要採用紅辣椒混合蒜頭、油、鹽等而成🥣。據說係源於葡萄牙🇵🇹前殖民地嘅非洲國家安哥拉&莫桑比克，後來由殖民者將食譜及辣椒🌶️傳播返葡萄牙。前菜✿ Piri-piri Shrimps $160以啤酒🍺及牛油🧈加入霹靂霹靂醬汁，醬汁口感豐富，並帶有濃郁蒜蓉、橄欖油及辛香微辣🌶️風味，令大蝦🦐更加鮮嫩多汁，伴以內裡軟熟嘅麵包🍞進食都好開胃。主食✿ Grelhada Mista $245呢道菜英文係「Mixed Grill」，以鐵串穿起🍡各式烤肉🥩，食肉獸必點，賣相亦都好啱打卡！雜錦烤肉串有牛柳🐮、雞肉🐔、豬肋骨及豬扒🐷。呢四種烤肉鮮嫩多汁，其中牛柳烤至內裡粉嫩，煙燻燒炙嘅風味進一步提升肉串味道。烤肉以外伴有飯🍚、薯條🍟及沙律🥗，整體份量都幾多下。✿ Arroz de Marisco $498呢道菜英文係「Se
啲人成日話去澳門食葡國菜🇵🇹，其實香港都有唔少選擇，當中包括堅尼地城站附近呢間葡萄牙菜餐廳。
餐廳主打以霹靂霹靂醬汁（piri-piri sauce）製作唔同菜式。「霹靂霹靂」係非洲語嘅意思係「辣椒🌶️」，所以醬汁主要採用紅辣椒混合蒜頭、油、鹽等而成🥣。據說係源於葡萄牙🇵🇹前殖民地嘅非洲國家安哥拉&莫桑比克，後來由殖民者將食譜及辣椒🌶️傳播返葡萄牙。
前菜
✿ Piri-piri Shrimps $160
以啤酒🍺及牛油🧈加入霹靂霹靂醬汁，醬汁口感豐富，並帶有濃郁蒜蓉、橄欖油及辛香微辣🌶️風味，令大蝦🦐更加鮮嫩多汁，伴以內裡軟熟嘅麵包🍞進食都好開胃。
主食
✿ Grelhada Mista $245
呢道菜英文係「Mixed Grill」，以鐵串穿起🍡各式烤肉🥩，食肉獸必點，賣相亦都好啱打卡！
雜錦烤肉串有牛柳🐮、雞肉🐔、豬肋骨及豬扒🐷。呢四種烤肉鮮嫩多汁，其中牛柳烤至內裡粉嫩，煙燻燒炙嘅風味進一步提升肉串味道。烤肉以外伴有飯🍚、薯條🍟及沙律🥗，整體份量都幾多下。
✿ Arroz de Marisco $498
呢道菜英文係「Seafood Rice」，係葡萄牙式海鮮飯。海鮮有青口、蜆、魷魚及蝦，味道鮮甜，尤其是青口😋。
而燴飯🍛方面，廚師採用海鮮煮成濃湯，再加入白酒、燈籠椒🌶️、香葉🌿等一併烹調白飯，燴飯味道酸酸辣辣但唔會膩。飯粒較軟身，口感比起西班牙海鮮飯會淋少少。
飲品🍷
✿ Sangria $95/glass
Sangria係葡萄牙🇵🇹及西班牙🇪🇸嘅傳統葡萄酒調酒飲品，主要以紅酒加入水果、糖漿以及少量白蘭地調和，非常易入口，對於消化都好有幫助。
總結🫦
餐廳嘅葡萄牙菜式同裝潢環境好有特式，外藉店員非常友善，會同客人有講有笑帶動用餐氣氛，而且有外藉駐場歌手，邊食邊聽live music用餐得好舒適🎶🎶。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
Antonio-The King of Piri Piri Chicken
地址：西環堅尼地城加多近街71號先施西環大廈地下
電話：6336 7858
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
Post
