Mad for Garlic (Closed)

聽朋友話奧海城開咗間新野，係以蒜頭做既菜色做主，試過話OK，今日終於有機會試下喇。可能今日星期一，晚飯時間唔使等位，以蒜頭做主打既餐廳係外個就一早有，黎到香港就未聽過。第一次幫襯，我就叫咗個二人餐，因為唔使左揀右揀，仲包兩杯野飲，可以揀雞尾酒，紅酒或者白酒。先黎餐湯蒜香薯仔濃湯，味道真係好濃，係忌廉薯仔湯加蒜香片味，蒜片好香好濃味，勁夾個湯，但本人就覺得有啲太咸喇。再黎有係凱薩沙律，我係第一次見三棵菜咁樣上碟既凱薩沙律，切開啲菜原來啲葉之間係搽咗沙律醬既，再配合芝士同蒜片，又係好濃味既組合，好味而且份量多。依個蒜蓉包塔一上枱既時間，侍應會幫手切細佢，可以同個湯夾住食，包香脆可口仲熱既，蒜蓉甜甜地幾好味。主菜牛柳配醋漬蒜頭，我叫左五成熟，結果無失望，切開無紅水，但內裡仲係粉紅色，食落面層有烤既香味，裡面就有肉汁同濃既牛味，肉質都算ok，但就唔係好鮮嫩個啲喇。黎到依度一定要食下蒜頭啦，平時無咩機會會成粒咁食蒜頭，今次食落有啲意想不到，原來蒜頭可以係咁樣味，佢既蒜頭已經係好稔，入口會溶咁，味道已經唔以蒜頭，真係頭試下，平時唔食蒜頭既人都會接受到。甜品朱古力香蕉薄餅配自家製雲呢嗱雪糕，甜既薄餅