Giacomo Ristorante (Closed)

朋友仔升職加薪，叫佢帶我食好西是常識吧😎😎（我升職都有帶佢去㗎）～～～再揀右揀之下，就嚟咗呢一間喺銅鑼灣嘅皇冠假日酒店，朋友話食過覺得幾好食，加上地點方便，都幾近我哋返工嘅地方，收工搭車過去幾快。～～～餐廳裝修幾華麗，華麗之中有帶少少浪漫，可惜坐喺對面嘅唔係仔😂！（不過當然同閨蜜一齊去都好開心啦）～～～Aveyron lamb ：我不嬲都好鍾意食羊，但係羊肉高質定係唔高質，非常取決於係來自邊度嘅羊，所以平時出街如果唔知來源地，我都唔會試。位於法國南部嘅Aveyron省，最出名就係羊🐏，見到呢度有標明，即刻叫個嚟試吓。大概七至八成熟左右嘅羊架，肉質細緻嫩滑，味帶獨特甜香，羶味不重，而且非常厚切，醬汁調味亦到位，冇失望。～～～Blue Lobster Sardinian Gnocchi：波士頓龍蝦同澳洲龍蝦食得多，但係要說矜貴，就非法國嘅藍龍蝦莫屬。經過廚師烹調之後，藍龍蝦肉質飽滿彈牙，自帶海水鹹香，直落爽口之餘亦都非常鮮甜。同波士頓龍蝦唔同，是等龍蝦要細隻先會嫩，但係藍龍蝦就算大隻都好肉質都好嫩，完全滿足到嘴刁叼嘅我，另外成碟餸菜嘅擺盆亦都好精緻，好iGable啊。～～～推薦度：🔥🔥🔥🔥