萬里緣盆菜專門店

Open Now

Now Closed

今晚朋友屋企請客，叫咗圍內幾個朋友去食飯，佢買咗元朗一家叫萬里緣嘅盆菜，我都未食過呢一間。初時仲諗住攞個電磁爐番熱盆菜。但原來盆菜個盆係唔可以係電磁爐上面用。結果都係要拎返入廚房加熱。都幾豐富，有蝦，雞，鴨，芋頭，豬肉，魚蛋，蘿蔔，等等等等.....真係每款食一件都夠飽,而我諗部份食咗兩件啦。一路傾吓計傾吓計，不知不覺咁好快就飽左啦。最後一個盆菜當然係食唔晒，要留返比主人家連續式幾日啦......朋友話呢個係六人嘅盆菜嚟嘅，我諗六個大男人嘅話會食得晒，我哋有八個人，但大部份都係女人嚟，結果係食唔晒。我相信明天朋友番熱嘅話都應該係一個唔錯嘅晚餐。