天機棧扒房 (Moved) New Location

一值聽同事推介要試試這間天機扒房，在天時地利下終於可以跟朋友2人一嚐了。上樓環境暗暗的格調還好，當我查詢餐單時，職員非常有禮貌地介紹和推薦食品我地點左個2人餐另點了1款生蠔。首先生蠔上枱，味道不賴。而餐湯就一定是西餐必有的，可是連最基本既都竟然做吾到因為啲湯竟然係超微温……我同朋友只好大家安慰大家（而家興凍湯）不久職員提示會係我們身後整巴馬沙律，我地都無咩特別興趣去留意，至於沙律麻，對於我地熱愛沙律既人泥講，都算過關既～登登登主菜泥喇，我點既係職員推介既鵝肝牛柳7成熟，鵝肝真的很“乾”牛柳就普普通通又好難切開，切到我吾耐煩。而朋友點好像是肉眼還是什麼的（忘記了）都係7成熟，不過似9成，佢一度食一度話咬吾開，仲比左舊我試，一食天呀！真係好難咬開。由於我地2個都太肚餓，所以大家都花左好多手徑口徑去ko佢。呢個2人餐係跟甜品既，提拉米蘇就正正常常，心太軟就第一次食到啲甘“清淡”既朱古力味由我地開始食到最後，場內啲燈愈熄就愈小，可能都差吾多關門啦，我地一起身就即刻開哂燈，其實我想講我地連埋等出菜都係食左一粒鐘啫，趕關門就吾好比我地入泥麻。