Butter Butler (Closed)

因為朋友生日要搵蛋糕，咁啱見到個咁靚嘅焦糖蛋糕。知道係日本嘅品牌，响香港新開嘅。好想去試呀！雖然好貴，但都忍唔住買嚟試。職員貫徹日本人嘅禮貌，好細心慢慢教我點控制食嘅時間，解凍要注意嘅嘢。包裝都好有誠意好靚，送埋保溫袋，冰包。因為係冰箱拎出嚟，所以拎去餐廳都唔使雪，打開放枱面。2.5小時後開始食，中間開始軟，個外層係餅底，入面似cream，頂層係有焦糖。成個配合埋，真係好好味。貴係值得，下次要試埋其他產品。