Butter Butler (Closed)

好好食。外皮酥脆，內裡濕潤。濃厚的蜜糖味，很香。凍食又得，暖食都得。雖然甜，但感覺呢款蛋糕曲奇係下午茶時候配上一杯熱紅茶一同享用、一件起兩件止的茶點食物。亦不捨得一次過幹掉一盒。始終不便宜，多適用做嘢做到好攰，想吃一點甜的時候就拿岀來吃的小奬勵。呢款甜點應該長期都要擁有一盒在家中。大家努力工作賺錢吧！

已聽聞呢間日本新宿甜點品牌多時，主打牛油甜點其實幾個月前見雜誌介紹覺得好吸引，已想一試焦糖白雪餡餅，點知一直話已售罄，從東京進口無期，所以嗰次只係買左脆糖牛油蛋糕一試之下，真係好香牛油味，面層糖漿甜度亦調較得好合適，好好味！今次去銅鑼灣Shopping經過Sogo，即刻去睇下，終於返左貨！雖然都幾貴（蛋糕直徑得4吋，售價$268，我用左Sogo卡付款有95折），但都買左黎試下開盒見蛋糕同之前雜誌介紹的一樣，點知一切之下，咁硬嘅！？餡餅主要分3層，面嗰層白色應該係奶油忌廉，中間嗰層應該係Cream cheese，2層中間仲有少少焦糖醬最底係牛油曲奇撻底完全無解凍情況下，一入口，好硬喎！又無乜芝士味，撻底又係似超硬嘅牛油曲奇心諗2百幾蚊個蛋糕，唔係差成咁麻好在一家人只係食左半個，諗住留起半個，決定第二晚要解凍後先試真啲第二晚，解凍1.5小時後食，食落好好多！面嗰層係滑滑奶油，最面嘅焦糖醬唔會太甜，底嗰層芝士幾香濃幼滑，配襯埋中間較濃味嘅焦糖醬，同埋因解凍後無咁硬嘅牛油曲奇撻底，簡直同前一晚雪硬左嗰件截然不同！原來係雪硬左出事第二晚呢件所有材料配搭簡直絕配，非常好味所以提醒大家食呢個焦糖白雪

今天我去人氣甜品店Butter Bulter買蛋糕，在香港也能嚐到東京甜品店的美味很久以前已想嚐嚐，可惜生日時沒人送給我這個蛋糕，與其其他人送，不如自已買，今天就和同事們一同分享。脆糖牛油蛋糕$198賣相平實的蛋糕，竟有非一般的美味。上層是原是粗粒砂糖，燒焦後，砂糖焦糖化，形成一層深啡色的脆糖。牛油蛋糕採用北海道牛油製成，牛油香氣撲鼻，香甜鬆化。脆糖的香脆口感和蛋糕的軟綿口感互相配合，很美味呢。牛油費南雪$238/12個牛油費南雪是王牌產品，價值約$20一件的小蛋糕，美味得令眾人激讚呢。每件費南雪獨立包裝，方便衛生。牛油費南雪以瑞士發酵牛油，法國海鹽，楓糖漿製作而成，拆開包裝已聞到濃濃牛油香，瑞士發酵牛油果然零舍不同！蛋糕外層酥脆，內裡鬆軟，口腔沖擊著牛油和楓糖的甜蜜，我停不了口阿。

位於銅鑼灣的Butter Bulter，是一間東京過江龍蛋糕店。上年四月在東京新宿開店，主打一系列牛油甜品，我早已Book Mark這位紳士叔叔的焦糖蛋糕。今天終於能吃到，小女子好興奮呢。焦糖蛋白雪餡餅$268需要冷藏的白雪餡餠，是我最想吃的甜品！上層是厚厚的奶油，淋上焦糖醬，內裡是意大利軟芝士，內藏流心焦糖醬，外層是曲奇餅底，看到描述，已令我垂涎啦。奶油厚濃稠密，表面焦糖醬甜度適中，內裡的流心焦糖醬苦甜勻備，意大利較芝士幼滑甜膩，曲奇餅底厚身硬脆，深深得我喜愛。多種不同口感，多種不同的味道，值得我向大家推介。

肥肥家族最愛東瀛遊，對日本甜點更加係十分愛好！週三晚請契妹一家食飯，收到佢送上o既小小心意，方才得知原來剛於東京贏取手信大奬o既名牛油甜品店「Butter Butler」數月前於香港銅鑼灣崇光百貨開設首間海外分店。黃金牛油蛋糕（$188/八件）：得奬名產黃組藍色o既禮盒極之搶眼。八件黃金牛油蛋糕全為獨立包裝，精美衛生又大方。黃金牛油蛋糕外層感覺就好似烘製出黎o既糕點咁脆脆地，糕身則鬆軟無比，入口即時嚐到濃厚o既牛油香，越食就越有楓糖漿o既芬芳清甜，盡顯簡單美，難怪可成為手信大奬冠軍得主！據悉，「Butter Butler」除咗招牌「黃金牛油蛋糕」有號召力之外，其他產品如「焦糖白雪餡餅」、「脆糖牛油蛋糕」、「夏威夷牛油蛋糕」都一樣咁受歡迎。

我一向都怕甜，不過就好鍾意食焦糖味嘅嘢，貪佢個陣香甜味。行開Sogo超市，見到間新開嘅counter話係東京手信no. 1，仲係焦糖餅，又咁啱有得試食，一食果然係我杯茶。佢口感同味道似法國嘅financier，焦糖味好香，口感似乾身嘅牛油蛋糕。獨立包裝，有分4，8，12片，當然越大盒越抵，4件$88($22/pc)，$238就12件。而且而家做緊優惠，買焦糖餅，就可以以優惠價錢買三款餅。咁啱撞到佢哋嘅brand manager好細心介紹佢哋集團同品牌，而且推薦佢哋凍食嘅焦糖軟芝士餅，入面仲有流心嘅焦糖，開頭都好驚會甜，不過男朋友想試，咁就試囉。一下之吓，好香都少少偏甜，其實日本嘅糕點一般偏甜，所以呢個餅以日本糕點嚟講唔算好甜，不過真係香滑，而且如果幾個人分，每人細細件，同配杯茶或者咖啡就啱啱好。所以值得推薦大家去試

SOGO超市重開引入多間日本名食店，當然嚟湊下熱鬧！行經呢間已經俾呢個「焦糖白雪餡餅」吸引住，仲有邪惡焦糖流心，二話不說即買！店員仲細心講解食法，唔同嘅解凍時間會食到唔同嘅口感，凍食就似食緊雪糕，購買時仲附送冰包及保溫袋。店員仲同時遞上另一款產品「牛油費南雪」嘅試食，用左楓糖漿製成，食落外面脆脆地，似蛋糕仔，都幾得意。返到屋企解凍左兩個鐘就食得，出面係曲奇餅底，連埋似雪糕嘅內餡，雖然用左焦糖，但食落唔太甜，好食！

Sogo地庫b2層新開左好多間日本既店 我最有興趣就係甜點店 呢間就係東京新宿嚟以牛油為主既甜點店 其中一個產品就令我好深刻印象~ 佢地係有幾款甜點 牛油製就係特別吸引又邪惡!佢地既包裝都好特別好靚 日本製就係特別細膩!焦糖白雪餡餅 $288外層係厚撻底 比較硬身 面頭鋪滿好light既生忌廉 仲有點綴既焦糖醬帶微苦 中和左個膩感 好特別好正 令我愛上左焦糖 中間既餡就係意大利軟芝士 夾心係流心效果既焦糖 整個感覺就係好有下午茶既feel 最好就多啲人share 小食多滋味!本身吾係好好焦糖 但依個cake真係令我刮目相看 焦糖都可以吾膩又吾會令人甜過頭 反而微苦既味道更耐人尋味!

因為朋友生日要搵蛋糕，咁啱見到個咁靚嘅焦糖蛋糕。知道係日本嘅品牌，响香港新開嘅。好想去試呀！雖然好貴，但都忍唔住買嚟試。職員貫徹日本人嘅禮貌，好細心慢慢教我點控制食嘅時間，解凍要注意嘅嘢。包裝都好有誠意好靚，送埋保溫袋，冰包。因為係冰箱拎出嚟，所以拎去餐廳都唔使雪，打開放枱面。2.5小時後開始食，中間開始軟，個外層係餅底，入面似cream，頂層係有焦糖。成個配合埋，真係好好味。貴係值得，下次要試埋其他產品。