千鍋居 (Closed)

三五知已本想去搵間酒樓聚舊，經過佐敦道見到一間新開中菜，門口裝修幾好，見到D食物相片幾吸引於是行入去，經過扶手电梯，入眼的環境幾好，由於過了用膳時間所以人吾多，我地主要都係聚舊而吾係食正餐（因之前已食過），於是四個人先至叫左兩餸一菜，先來蘿蔔崩砂腩，味道無想像中咁濃，反而因為有蘿蔔而有種清新o既味道，味道一流。再來大良蟹雞煲，吾同麻辣雞煲咁味濃，呢個餸鹹淡適中，而且加左蟹令到整個餸加曬分，仲有烏冬跟，食完蟹同雞，留返D汁加烏冬落去煮，真係好正！！中間有道菜，今次叫左介蘭，都係好好味。總體來講個環境好舒服，好適合一家大細合家歡同埋一大群朋友聚舊。本來以為食飽埋單，點知仲有甜品送。個甜品係桂花蜜餞冰蕃茄，冰凍o既蕃茄點桂花蜜來食真係好正，清涼o既味道可以將之前殘留o既味道清一清，感覺真係好正！！！