令和鍋物酒場

Open Now

Now Closed

星期五晚行經厚福街見到呢間樓上日式居酒屋，7點半入座都唔洗點排隊有少少suprise。本身諗住快食，坐下覺得間餐廳個vibe都唔錯，適合一班朋友飲酒吹水。食物上枱速度還好，坐底都埋單差不多個半鐘左右。睇menu d相以為份量好細，實際比想像多，個人最推薦牛油果呑拿魚他他，醬汁做得十分岀色，不會太酸不會甜，開胃菜可以一試。燒廣島生蠔偏普通，口感同肉質一般。日本黑毛和牛有驚喜，未算入口即溶但相對性價比較高，亦可一試。其他菜式不過不失，整體價錢尚算合理，下次同一班朋友可以回頭再試壽喜燒。