威龍海鮮酒家

Open Now

Now Closed

入左去坐低之後，介紹我地去對面既海鮮檔揀海鮮，揀左花竹蝦、蟶子、鮑魚、花甲、象拔蚌、墨魚、屋企人想食石頭魚，佢幫我地出去搵，再追加左桶蠔，所有海鮮加埋差唔多3千幾，因為石頭魚比較貴。最後決定象拔蚌刺身，炒花竹蝦、薑蔥鮑魚同桶蠔、油泡墨魚、蒜蓉蒸蟶子、油鹽水花甲、清蒸石頭魚同清炒生菜。蠔就細隻左啲，其他餸都烹調得好好，唔會過分重味，調味剛剛好，唔會蓋哂海鮮原本既味道。最尾埋單4千蚊左右，呢間海鮮酒家上菜好快，而且員工不斷幫手換碟，執野，而且好有禮貌。食飽仲有每位半隻木瓜同芒果，下次再黎鯉魚門都會再黎呢間酒家。