갈비궁 Galbi Gung

Open Now

Now Closed

本人居在名城，上星期同阿仔慶祝生日諗住近近哋搵一間未試過又在openrice評級高嘅餐廳去試試，住戶有折扣，今次係第一次亦都會係最後一次去。五個人食咗千二蚊，其實係唔飽，只不過試咗幾款食物都唔得，所以唔想再叫，寧願去第二度食甜品填返個肚。前菜：最好食。棉花糖壽喜燒：有噱頭，二百幾蚊玩咗一玩四片牛肉。燒牛肋骨：三百幾蚊一塊，厚就好厚，韌到趙唔開，唯有切到一毫子咁細粒先食。海鮮湯：橙色無味嘅水溝幾款海鮮。檸檬鹽花牛舌：尚可。燒帶子：冇驚喜。甜品：冇信心同埋唔想再嘥錢叫。