Video
Read full review
2021-01-17
3237 views
其實之前都食過好多次，服務每況越下☹️但今次嚟到，全程由一個叫Lam嘅職員為我哋打點一切，我又覺得好滿意喎！兩大一小，分咗兩張枱坐，中間用咗一塊隔板隔住，食嘢就好唔方便㗎喇，不過職員每次都好好，將所有食物分開相應分量放喺兩張枱，等我哋唔駛搬嚟搬去，所以你見相嘅份量係一半嚟㗎😉。斟茶又係，天龍軒都無咁密呀，佢一見我哋邊杯茶飲完就行過嚟幫手斟，真心要比個❤️❤️❤️佢呀！食物方面，我叫咗😋北京填鴨半隻：師傅分開咗三款肉嘅切法，淨皮、皮+肉、淨肉，後兩樣包起嚟其實好食，但無話出面食唔到，但佢塊皮真係好好食，無肥膏，脆到薯片咁，加埋糖食真係食到chop chop聲，我就好推介佢哋嘅鴨皮喇😋☺️黑椒牛肉酥：夠熱！內裏嘅肉好香，黑椒味重，值得試！🙂燒賣：肉同蝦比例大約一比一，唔突出，但唔係唔好食嘅。☺️帶子腸粉：帶子鮮甜同大隻，我個唔食嘢嘅女都食咗兩件😋馬拉糕：個人口味，我係好鍾意，因為佢將馬拉糕分咗幾層，中間加咗啲蛋黃同custard嘅醬落去，食落較甜，但有咬口，層次感重咗！🥶泰式珍珠奶茶雪糕：❎❎❎我好後悔俾我個女揀咗呢個，粒珍珠係好難食好難食好難食！其實佢嘅腐乳芝士蛋糕好好食，如果要叫甜品可以試下，芝士
兩大一小，分咗兩張枱坐，中間用咗一塊隔板隔住，食嘢就好唔方便㗎喇，不過職員每次都好好，將所有食物分開相應分量放喺兩張枱，等我哋唔駛搬嚟搬去，所以你見相嘅份量係一半嚟㗎😉。斟茶又係，天龍軒都無咁密呀，佢一見我哋邊杯茶飲完就行過嚟幫手斟，真心要比個❤️❤️❤️佢呀！
食物方面，我叫咗
😋北京填鴨半隻：師傅分開咗三款肉嘅切法，淨皮、皮+肉、淨肉，後兩樣包起嚟其實好食，但無話出面食唔到，但佢塊皮真係好好食，無肥膏，脆到薯片咁，加埋糖食真係食到chop chop聲，我就好推介佢哋嘅鴨皮喇😋
☺️黑椒牛肉酥：夠熱！內裏嘅肉好香，黑椒味重，值得試！
🙂燒賣：肉同蝦比例大約一比一，唔突出，但唔係唔好食嘅。
☺️帶子腸粉：帶子鮮甜同大隻，我個唔食嘢嘅女都食咗兩件
😋馬拉糕：個人口味，我係好鍾意，因為佢將馬拉糕分咗幾層，中間加咗啲蛋黃同custard嘅醬落去，食落較甜，但有咬口，層次感重咗！
🥶泰式珍珠奶茶雪糕：❎❎❎我好後悔俾我個女揀咗呢個，粒珍珠係好難食好難食好難食！其實佢嘅腐乳芝士蛋糕好好食，如果要叫甜品可以試下，芝士腐乳都係個啲嘢，所以個味道好夾。
茶介收咗$54蚊，所以如果你係計住數叫嘅話，menu價錢加茶介加一就係㗎啦！
我埋單食咗大約$840，唔好以為好少嘢食，其實兩大一小咁食都好飽㗎！
北京填鴨
63 views
0 likes
0 comments
黑椒人肉酥
61 views
0 likes
0 comments
Post
