無敵家

Open Now

Now Closed

最近yen不斷跌，請唔到假去旅行唯有喺香港搵日本嘢食，之前都聽朋友介紹過上環有間叫「無敵家」嘅餐廳唔錯，今日去開呢頭就一於試吓。餐廳裝修簡約、自然，主要利用木質元素，和諧色彩，令人感覺置身係日本一樣。1.明太子玉子燒玉子燒充滿蛋香，有一陣陣日式高湯味，口感嫩滑，上面啲明太子多到跌晒出嚟。2.牛油燒翠玉瓜翠玉瓜燒得好香，有一陣陣牛油味，仲要一咬就爆曬汁。3.鮮蘆筍煙肉卷蘆筍非常爽口，配搭煙肉嘅鹹香，味道好清新。4.燒飯團（三文魚、明太子）燒飯團好少地方有得食，見到餐牌有兩種口味，由於揀唔到，所以就兩隻味都要晒。飯團表面燒到勁脆，鍾意食飯焦嘅朋友一定好滿足，而入面亦都有豐富嘅三文魚同明太子，好足料。5.生蠔煙肉卷呢款菜式都比較少見，由於我好鍾意食生蠔所以就叫黎試下，生蠔同煙肉出乎意料地夾，口感豐富而且有微妙嘅海鮮味。6.叉燒豚肉湯拉麵提起無敵家一定要試吓佢嘅拉麵，叉燒好大塊，湯底亦都好濃郁，滿意！7.焦糖燒菠蘿最後又想食甜品，但係又怕食到好滯，所以就叫咗個燒菠蘿，勁多焦糖，焦糖味勁香，酸酸甜甜，好好食！另外好想讚一讚呢度嘅侍應，服務態度超好，一坐低就怕我哋焗主動開風扇俾我哋，非常貼心，不論