十字冰室 (The Argyle)

Open Now

Now Closed

食過幾次，都知某部份員工態度差。不過附近無咩選擇，又諗住只係用OpenRice 外賣自取，唔洗接觸佢哋應該好d啦，點知都係避無可避...Order完隔一陣去攞啦，一入去問都未問就開火,就已經開火: “都話未有位，出面等一下”...我都無話堂食，問咗客先嘈啦....攞完order返屋企，一睇，常餐畀少咗蛋同多士，打去問啦，猛話我叫單點無叫餐，佢話佢張單都係咁打。好在個app有記錄，肯定無叫錯，叫佢check多次先，後來佢發現真係佢地入錯單，叫我過返黎攞....過嚟攞都要d時間架，叫個lunch都花咗咁多時間，咁叫佢pack定先啦，而佢都話ok....點知用咗十幾分鐘，落到去，又同我講”未得呀，出去出面等一下”......即刻火都嚟，唔係你哋pack漏，我都唔洗黎兩次啦，同埋蛋，多士，你都唔係即整架啦...最後同佢講，係你地漏單，可唔可以整先，先至快dd有得攞...最後一個外賣，攪左我成個半鐘。雖然食物質數唔差，但你估你米之蓮3星咩...如無特別需要，無謂再幫襯搵嘢煩。