上陽樓

Open Now

Now Closed

之前同家人嚟咗呢間係屋企附近商場嘅粵菜中餐廳。第一印象已經幾好，因為門面光鮮，入面環境舒服寬敞，同埋服務好好。我哋三個人就嗌咗五樣嘢，包括涼拌椒香鮑魚、蜜椒鹿兒島和牛粒、竹笙鼎湖上素、紅燒乳鴿同埋蝦球粉絲煲。涼拌椒香鮑魚幾惹味，不過如果唔受得麻辣嘅人，可能就最好唔好揀呢道菜，因為條脷真係會發麻，至於個和牛粒我略嫌佢肥膩咗少少。另外嗰三道菜就味道好好，至於佢哋嘅賣相就可以參考我附送的相片。最後三個人食咗大約1300元，以環境同食物質素嚟講算係可接受嘅範圍。