Chaplin

Open Now

Now Closed

之前食過幾次lunch，都唔錯。隔咗個零兩個月再嚟，轉咗餐牌，冇咗特價set lunch，以前星期五燒春雞set 88，而家就盛惠180，貴咗一個dub，不過水準更加高，都食得開心嘅。同埋之前啲特價餐真係好平，今時今日都幾難維皮。最值得讚嘅係佢哋嘅服務，啲職員真係好有禮貌同埋貼心，成日都有笑容，呢間係少數我覺得抵俾加一嘅餐廳，如果真係要雞蛋裏挑骨頭，就係老闆個樣有啲愁😅講返啲食物，特價燒春雞都好好食，絕對唔馬虎，但隻雞細啲，就咁配薯條。正價燒春雞有烤黄色翠肉瓜同埋薯角，沙律分量都大啲。啲雞就咁點面頭嘅烤檸檬同埋烤蒜已經够味，好嫩滑。