Uptop Bistro and Bar (Closed)

必須讚揚各位店員，由我開始訂位直到當晚到達餐廳享用完晚餐，我都俾足佢地100分，有禮有熱誠，無論係服務態度定介紹菜式等等都做得好出色。食物方便不過不失，但用呢個價錢可以喺尖沙咀酒店餐廳享用幾道菜，又有唔錯嘅天台境觀，我個人嚟講就收哂貨。另外，加198就可以享用三杯酒，其實係好抵，當晚我倆公婆唔想飲酒，但都好有機會第日再返嚟幫襯飲嘢，天台地方唔大，但就勝在呢一點所以現場唔會太嘈雜，幾個朋友飲番杯傾傾計，係一個好地方。