Outback Steakhouse (荃灣廣場)

Open Now

Now Closed

信用卡有優惠，即刻揾埋屋企人去試下佢嘅斧頭扒餐。套餐有齊湯，黑糖包，沙律，小食，主菜份量足，食得好飽。黑糖包真係食極唔厭，焗至微暖，而且微甜，夠軟熟，我地都encore左2次。青椒洋蔥湯，味道唔錯，清清地，冇乜味精。芝士焗薯片，有拉絲嘅效果，薯仔有入口即溶嘅感覺。小食拼盤屬正常水準斧頭扒有驚喜，夠曬份量，揀左七成熟，仲有少少紅，在鐵板上邊燒多陣，味道啱啱好，唔會太硬，但略嫌脂肪比例就比較多。另外加左洋蔥花球同炸蘑菇特別要讚下呢度嘅服務，服務一流，經理細心，我地坐低之後，見到地下污糟，馬上親身清潔，唔會敷衍了事。我地追問菜式，佢都追得好足，隨後仲為我哋送上生日蛋糕，真係非常窩心，不得不讚一下。