潤宴

Open Now

Now Closed

同屋企人嚟呢度食晚餐，咁啱見到新開嘅呢間餐廳就想試下。入去唔係好知點叫，就叫四人餐五個人share。炸子雞味道不錯，但有啲鹹同埋唔脆，雞肉還好但有少少乾。蝦球伊麵底就太過creamy，蝦球不錯，新鮮嘅。帶子芹菜就都係比較鹹，帶子比較overcooked所以好乾好痴牙。魚翅見到已經覺得好傑，質感甚至似啫哩一樣，睇嗰陣都覺得入面冇乜翅🥹🫨 條魚係比較好食嘅，肉嫩。最後甜品嘅奶皇糕有啲太甜但嚟嗰陣係熱同新鮮嘅，都不錯。雖然食物普普通通，冇特別好甚至偏向唔好食，個餐又比較貴($1500hkd) 但服務的確有誠意。走嗰陣我地發覺跟餐送可樂，本身侍應唔記得左，但我地提佢之後佢睇番就即刻俾番我地，冇推卻或者唔願意俾，係有誠意，有心嘅。但應該唔會再訪，始終食物偏貴又同質素唔成正比，雖則環境係唔錯嘅，唔會好吵🥵 希望未來開業耐啲之後會有改善。