民華魚蛋粉麵

Open Now

Now Closed

今日年初四,見到佢有開,但要收加一,冇問題呀,正常.店舖內都係多人,入到去等佢安排座位，坐低拿拿林叫嘢食，叫咗蠔仔粥，章魚肉餅飯，豉汁鳳爪同埋金錢肚，其中肉餅飯及兩點點心就好快送咗嚟。咁我照食啦，到我食完，個蠔仔粥仲未到，於是問阿姐幾時有，跟住應左我，話廚房努力整緊……席間已經聽到後面枱喺度投訴，話叫咗嘢好耐都未嚟。於是等咗十分鐘又仲未見佢嚟，再問多一次幾時有，(跟住好似聽到佢同廚房講話爭咗蠔仔粥)於是我再問佢你整咗未？未整嘅就唔好整啦！我哋走了，竟然間了2次都冇人答我。一怒之下埋單走人！見到後面排隊埋單嗰個都係話喺度食嘢好難唔令人燥底！佢都等咗好耐，食就食十分鐘！食物方面,點心,章魚飯係正常嘅。茶記格局,冇嘢投訴,只係服務態度九流！漏單又唔去追單！呢間嘢唔會有下次！！