海景軒

Open Now

Now Closed

錯過左10:30完結既自助早餐時間，見中菜廳有位，就到海景軒飲早茶。工作人員迅速為我們安排了座位，上左我需要既茶品之後，他們專業的介紹是日推介，因為家人都用過早餐，得我１位誤了早餐時間，所以我簡單點了幾個點心享用。海景軒位於酒店地牢，無風景睇之餘，早上剛開門，店內有陣焗促的氣味，不過坐一會就消失。露筍鮮蝦腸粉（$85）蝦大隻爽口，每件都有１隻蝦，腸粉好滑唔厚，配特製醬油，好味。XO醬蘿蔔糕（$88）微辣，擺盤幾靚，糕邊煎到香脆，略為有點乾。瑤柱有機糙米雞（$58）好香荷葉味，加左少少紅米，食落更有口感，內層雞肉鮮嫩多汁，但無乜瑤柱既味道。牛肝菌燒賣（$80）同普通燒賣無咩分別。金冠海皇餃（$69）餡料豐富，露筍新鮮，蝦肉爽口，綠色既餃子皮，好睇又好食。茶位＄35/位，少貴，茶葉靓，好飲，但水唔夠熱，工作人員反應快，親切有禮貌。