大堂酒廊

Open Now

Now Closed

呢間餐廳出名緊係個景喇！好好彩有窗邊位打卡，加分。講返食物，我地去食afternoon tea，鹹甜點夾埋有11款，基本上要唔食lunch同dinner先食得晒。第一層係鹹點，好好食！鍾意佢牛角包有鴛鴦味，變相食多一個味；酥皮盒入面係素豬肉加雜菇；蟹肉黑麥包三文治個餡根本就可以整大件版拎出嚟賣；最後食紫薯泡芙，就好似提你開始要進入甜點環節。第二層有朱古力蛋糕，好濃靚朱古力；食完黃色南瓜芝士蛋糕，其實都開始投降，有d飽。最底層有scones、同2款點品...好後悔只係食埋西梅乾鬆餅就停手，因為我只係食咗8款，就要朋友幫忙打包餘下4款...唯有等佢轉menu再去。