M3 Italian (Closed)

今日因爲是準備聖誕禮物，是但走入呢間試下。M3開左一排，成日覺得喺啲大圍街坊區開西餐唔知點維持，都令我好奇。環境：清潔，空間感十足，樓底高，幾舒服服務：我約13:40入去，得5、6張枱有客。佢安排我坐在一家好嘈人旁邊，是命嗎？🥺我入座十分鐘都無人serve水，當我對著隻空杯十分鐘，我唯有向打牙較中的staff要水。傳菜的侍應上菜又不知所措，佢哋服務對唔住個價錢。食物：我點了煎鵝肝水煮蛋配沙津，另加$20的cappuccino.沙津正常，英式鬆餅toast得好好，他們把生菜、鵝肝、水煮蛋放在英式鬆餅上，生菜是多餘，只是吸油，對味道無幫助; 水煮蛋流心同大隻，滿意；鵝肝唔夠調味同唔夠香脆。薯餅外脆內軟，金黃色，好正。至於杯cappuccino, 洗碗水質素，反映佢地西餐水準一般。總結，我不會再去啦。