Video
Read full review
2022-07-01
1084 views
巴依餐廳提供新疆菜，喺香港好少有，加上而家冇得返內地，就特別少有得食。可能因為咁，餐廳好多人幫襯，當中唔少係內地人。餐廳食物有特色，但係只可以話係質素平均，唔算好食。[🤬憤怒模式啟動🤬] 我哋當日訂位訂咗7:30pm，我自己早到咗，大概6:45pm問職員可唔可以俾我早啲入座，佢完全無視我。唔緊要，反正我啲朋友都未到齊，我默默地喺舖頭出面一路等一路餵蚊。大概7:00pm，大家到齊，再問佢可唔可以早啲入座，一開始再被無視，後來餵多左陣蚊再追問下，職員表示我哋book嗰張枱已經有人入左座，當我哋白撞。我哋講極佢都唔信，最後逼佢睇住我哋打電話去留位嗰個電話號碼，見住個電話響，佢先信我哋係預約咗。職員之後死死地氣安排我哋坐一張近門口人來人往、黐住隔離枱嘅大枱(而白撞個班人就坐咗比較舒服嘅卡位)… 一聲唔好意思都冇。坐低冇幾耐，我哋見到卡位嗰邊有枱人走咗，就建議掉去嗰邊，讓返張大枱出嚟，但係遭到拒絕… 好啦我哋繼續食嘢啦，食食吓有個職員無啦啦走嚟同我哋講，要求如果有其他客人問我地係幾多位(我哋其實係三位)，我哋就幫佢講大話話我哋五位，有朋友嚟緊。我地完全唔知發生緊乜嘢事🤷🏼♂️明明係佢哋做錯嘢我哋
[🤬憤怒模式啟動🤬] 我哋當日訂位訂咗7:30pm，我自己早到咗，大概6:45pm問職員可唔可以俾我早啲入座，佢完全無視我。唔緊要，反正我啲朋友都未到齊，我默默地喺舖頭出面一路等一路餵蚊。大概7:00pm，大家到齊，再問佢可唔可以早啲入座，一開始再被無視，後來餵多左陣蚊再追問下，職員表示我哋book嗰張枱已經有人入左座，當我哋白撞。我哋講極佢都唔信，最後逼佢睇住我哋打電話去留位嗰個電話號碼，見住個電話響，佢先信我哋係預約咗。
職員之後死死地氣安排我哋坐一張近門口人來人往、黐住隔離枱嘅大枱(而白撞個班人就坐咗比較舒服嘅卡位)… 一聲唔好意思都冇。坐低冇幾耐，我哋見到卡位嗰邊有枱人走咗，就建議掉去嗰邊，讓返張大枱出嚟，但係遭到拒絕…
好啦我哋繼續食嘢啦，食食吓有個職員無啦啦走嚟同我哋講，要求如果有其他客人問我地係幾多位(我哋其實係三位)，我哋就幫佢講大話話我哋五位，有朋友嚟緊。我地完全唔知發生緊乜嘢事🤷🏼♂️明明係佢哋做錯嘢我哋先被安排坐呢張位置差嘅大枱，做咩仲要幫佢講大話？不過是但啦…
食嘢先食到一半，入座一個鐘左右，又有個職員同我哋講話用餐時間係個半鐘，我哋已經夠鐘要走。但係由預約到入座，從來冇人同我哋講過用餐時間有限制。職員就話餐廳不嬲都係咁… 結果唔夠時間食，好多嘢都要包走。真係食到成肚氣，以後唔會再去!!!😡
💰: HK$250 pp (Dinner)
💝: 4/10
Post
