日喜樓 (Closed)

知道新開的日喜樓做緊北京填鴨推廣有七折優惠，今日就同朋友試下，入到去見到環境都幾開揚，2人枱都好大，坐得好寬敞，服務超好，希望之後都可以保持住呢種態度。北京填鴨半隻 $228，推廣期間七折優惠，都有好多人食啊，好快就上菜，預先切好，有好多鴨肉，用黎包住填鴨塊皮有火蒸住，等佢唔會凍晒變硬，好貼心呢！日喜灌湯小籠包 $63/4隻，先吃小籠包，皮薄餡靚，沾上醋會更好味。之後食羅春閣爆汁生煎包 $68/4件，估唔到生煎包仲好味，裡面超多湯汁，唔洗沾醬已經夠晒味。食完正餐，點左2 個甜品，高力豆沙香蕉球 $38/3件，剛出爐，圓碌碌脹卜卜，口感好鬆軟，裡面有粒少香蕉同豆沙，不會過甜。另外個個係香糯擂沙湯丸 $48/3件，個樣都好吸引，外面有黃豆粉，芝麻餡湯丸，不馬虎。