叁淥火鍋 (Closed)

放寛晚市第一餐，想食餐好，之前社交平台 睇到尼間火鍋店，襯生日一家人去試，大家都好滿意，食得好開心，所以令我有心第一次好想寫食評😂先講環境，樓底好高，座位濶落，乾淨，好舒服，有VIP房，我地預早訂左房再講服務，而家出街食，真系好少會有印象深既服務，好有親切感，因家有一老，雖然好忙，但我地有咩要求都會盡力滿足我地，十分要讚👍🏻最後當然食物質素，火鍋湯底好多都好吸引，但店員推介招牌湯底系椰子雞同龍蝦雞，今次就試兩款招牌煲，先講椰子雞，店員系面前倒2隻泰國椰青落煲，啖湯超正，再落椰肉繼續煲，成家都每人飲左2，3碗，不得了，店員好細心，建議先飲椰子湯後上龍蝦雞，因比較濃味，龍蝦睇住師傅系魚缸新鮮捉，龍蝦鮮甜厚肉，個醬好惹味，仲有成隻雞，抵食，最後想推介個新鮮牛小排，出面真係未食過，出面叫幾百蚊一碟牛都係冰鮮，原來真正新鮮係甘好味，尼餐真係食得好滿足，搵到岩間岩食真好，出品有質素，服務又好，真系好享受