糖水雄

Open Now

Now Closed

8點幾黎到，門口已經有唔少人等梗位，門口個位男職員，唔知係咪老闆，態度非常親切有禮👍入到去，都係小店既裝修格局，見到有d巴士、利物浦既物品，應該都係店主既收藏品。坐左係放洗碗碟垃圾筒附近位置，如果有個簾遮一遮會好d，望到感覺唔太好😅一場黎到，好多野想試，兩個人叫左六樣野同一杯沙冰。xo醬煎蘿蔔糕～煎得好香口，幾多蝦米，好味！狗仔粉～多料，d菇都大舊，易入口，唔會有味精既味道。蒜香麻辣雞翼～賣相出乎意料，有d杞子係上面，一黎到都懷疑係咪黎錯，仲問左職員confirm下，味道唔會太辣，雞翼大隻，都幾好食。芋圓馬蹄沙～芋圓失望，望落都估到唔好食，唔飽滿 ，有d扁咁，食落口無芋圓既口感同味道。馬蹄沙唔錯，糖水底部仲有少少馬蹄碎咁，有d口感，幾清新。朱古力脆皮忌廉燒賣～一開始諗會唔會唔夾，點知……真係覺得唔夾，哈哈！但唔係難食既，只係覺得燒賣同豉油辣油夾d！燒賣上面仲有d砂糖咁，燒賣味比d朱古力忌廉醬淹蓋左，感覺唔似食梗燒賣，應該當佢係甜品看待。蜆肉碗仔翅～忘記拍照，大碗，都好足料，味道唔會好味精，無出面食既咁咸，加左枱面d菜甫，更加好食。腐竹白果沙冰～易入口，清涼，唔會太甜，幾清新。